Гонконг-бірте-бірте таң қалдырады және мәңгі жүректі жаулап алатын контраст қаласы. Ол үш бөлікке бөлінеді: Гонконг аралы, Коулун және жаңа аумақтар. Біздің оқытуымыздың көп бөлігі өткен Университет Қытайға жақын жаңа аумақтарда болды. Гонконг аралын көру үшін біз метромен қатынадық, ал Аралдың өзінде жаяу жүрдік. Келген соң, бірден үш нәрсе көзге түсті: ерекше жоғары ауа ылғалдылығы, өз атауын және қоршаған бай өсімдікті ақтаған биік ғимараттар. Қаланың түнгі түрі-әңгіме үшін бөлек тақырып. Сіз, айналасында көптеген жүз метрлық ғимараттарымен қоршалғандағы сиқырлы атмосферамен шексіз сүйсіне аласыз.

Гонконг құмырсқа үймелеріне ұқсас, онда жеті миллионнан астам адам тұрады, ал халықтың тығыздығы шаршы километрге шамамен 6,5 мың адамды құрайды. Бұл зерігуге болатын орын емес, әркім өзіне іс пен орын таба алады. Тас джунглилер шаршатты ма? Метромен жиырма минуттық жол және сіз жағажайдасыз. Әдеттегіліктен шаршадыңыз ба? Бір сағат ішінде автобус сізді басқа аралға апарады, онда хайкингпен айналысуға болады. Жұма күні кешке демалғыңыз келеді ме? Бар және кафе көшесі әрқашан сізді қарсы алуға дайын. Гонконгта бітпейтін сауда орталықтары, ойын-сауықтың түр-түрі және белсенді демалуға арналған шексіз әдемі орындар бар. Сабақ бағдарламасынан басқа, қызметтің алуан түрлілігі мен ойын-сауық молшылығынан басқа, біздің қалада болған кезде Қытаймен байланысты жаңа заңға қарсы бейбіт митингтер орнады, олар екі миллион адам жинады. Онда біз жергілікті достарымыз екі тәуліктен ұйықтамаған және митингтерге белсенді қатысқанда нағыз патриотизм деген не екенін сездік.

Біздің қорға қазір Мен әлемді дамытуға және көруге мүмкіндік бар екендігі үшін алғысымды білдіргім келеді. Қызықты бағдарламалар үшін және мені таңдағаны үшін университетке жеке рахмет.

Р.S. егер сіз азиялық Нью-Йорк, тас және кәдімгі Джунгли миксын көргіңіз келсе, кедейлік пен ақылсыз байлық қырын көргіңіз келсе, және барлығын бір аумақта, Гонконг – бұл саяхат үшін тамаша жер.

Сообщение Гонконгқа саяхат появились сначала на Общественный Фонд "Фонд Ержана Татишева".

Биылғы жылы мамыр айының бас кезі. Өзімнің оқып жүрген университетімнің дәлізінен өтіп бара жатып, ақпарат тақтасынан Еркін Нұрелдайымұлы Тәтішев басшылық етіп отырған компанияларының біреуінде тәжірибеден өтем деушілерді іріктеп, байқау өткізгелі жатқандығы жайлы хабарлама көрдім. Қатысушылар тізіміне ілінгенім сол-ақ еді, айдың соңына таман іріктеу басталды. Іріктеу Қорымыздың стилінде өтті – әр үміткер өзін барынша креативті көрсетуі шарт еді. Мен бұл тапсырмаға үлкен жауапкершілікпен кірістім, соның арқасында презентацияма ең креативті деген баға берілді.

Тәжірибеде өткізген екі-ақ айдың ішінде мен қарапайым жұмыскерден бастап, кеңсе қызметкеріне дейінгі істің бәріне араласып үлгеріппін. Ең басында топырақты шөптен босату, шлагбаумдарды сырлап, трубаларды тасу, т.с.с. нағыз қара жұмысты жасауға тура келді. Әрине, отыз күннің ішінде жұмыстан шаршаған да, Интернеттің тапшылығы мен таңның атысы, күннің батысы санаулы адамдармен араласудан жалыққан да кездер болды. Алматыда туып өскен мен үшін Қызылорда өңірінің төзгісіз ыстығы пен азынаған желіне шыдау нағыз сынақ еді. Бірақ ешнәрсеге қарамастан, тәжірибеден сәтті өткенім – үлкен жетістік. Бір жұмыскер «беделді басшы болу үшін алдымен сенімді жұмыскер бола біл» деп айтқан еді. Қарапайым халықпен араласып, ой бөліскенде, өмірге деген көзқарасыңды өзгертесің. Барлық қиындыққа шыдап бағып, өз шамамды өзім білгім келді. Тәжірибенің пайдасы зор екенін білдім, ақыры өзі де солай шықты – түзде көргенімнің бәрі есеп жасағанда қолдандым.

Тәжірибенің соңғы екі аптасында бірге барған курстасым екеуімізге жалға алынған бекіткіштерге төленіп отырған қаражатты үнемдеудің жолын табуды тапсырды. Басты мақсат – жалға берушінің шығындары ақталғанын және жалға беру бағасының тым жоғары екенін цифрмен дәлелдеп беру. Біз құрал-сайманның бағасына талдау жасап болған соң, алдағы 10 жыл ішіндегі тозуын және салық шығындарын ескере отырып, Компанияның кіріс-шығысын есесптедік. Осылайша біз төленіп отырған жалдау бағасының шынында да тым басым екенін көрсеттік, бұл Компания келіссөз жүргізген кезде көмегін тигізді.

Айтылған сөзді жалпылай келе, осы сапар мені еш қиындыққа қарамастан алға ұмтылуға дем берді және өмірлік тәжірибеме көп үлес қосты деп айтқым келеді. Мен осы Компанияда өткізген аз да болса, маңызы зор уақыт үшін шексіз қуанамын. Kusto Management Group және Aлматы Менеджмент Университетіне осындай мүмкіндік бергендері үшін алғысымды білдіремін!

Нұрлыбек Мұсатаев
Ержан Тәтішев Қорының 2013 жылғы білімгері
Алматы Менеджмент Университетінің 4-курс студенті

Сообщение Беделді басшы болу үшін сенімді жұмыскер бола біл появились сначала на Общественный Фонд "Фонд Ержана Татишева".

Мен үш жұмыс орнында қызмет еттім. Менің жұмыс күнім таңғы сағат 05.00-де басталатын. Жуынып-шайынып, таңғы асымды ішіп болған соң, өзім екінші, қосымша жұмыс орным, MacDonalds-тағы кассирдің міндетіне кірісетінмін. Әрине, менің жұмысым тек клиенттердің тапсырыстарын есептеумен ғана шектелмейтін. Одан басқа кофе, шәй және басқа да сусындарды дайындау, фри картобын қуыру, тапсырыстарды даярлап қою, т.с.с басқа да жұмыстарға да жауапты едім. Менің кезегім таңғы 6.00-де басталып, түскі 01.00-де бітетін.

Түс уақытында мен бірінші, басты жұмысым, қарама-қарсы тұрған супермаркетке баратынмын. Ондағы «La Carte» деп аталатын бөлімде менеджер көмекшісі болып жұмыс істедім. Бұл бөлім дайын тағам өнімдерін сататын еді. Келе сала негізгі мұздатқыш камерада жатқан тағамдарды арбаға тиеп, оларды пісіретін жерге жеткізетінмін. Алуан түрлі пештер және грильдермен жабдықталған бөлмеде мұздатылған тағамдарды дайындауға кірісетінмін. Супермаркет «fried chickens» деп аталатын қуырылған тауықтарды сататын, сондықтан тауықты қуырып дайындауға мен жауапты едім. Жүні алынған мұздатылған тауықты ұнға салып, түрлі специялармен жағу керек-тұғын. Бір көргеннен оп-оңай жұмыстың өз ерекшелігі бар: KFC-де сатылатын тауықтар секілді терісі қытырлап, еті нәзік те шырынды болу үшін арнайы рецепт қолданылады. Кезек бітісімен, яғни кешкі сағат 09.00-де ыдыс-аяқтың бәрін жуып, еденді сыпырып-жуып, ертеңге қажетті заттарды дайындап қою керек еді.

Үйге жеткізетін автобус әдетте түнгі сағат 11.00-де келетін, ол келгенше сырттта таза ауа жұтатынмын. Үйге қарай 11.30-ға таяу жетіп, шайынып, тамақтанатынмын. Одан соң отбасыммен скайпта сөйлесіп болған соң, сағат 02.00-ге таман ұйқыға бататынмын. Кешкі уақыт осылай өтетін. Есімді білгелі спортпен айналысқандықтан, төзімділік те, шыдамдылық та бар-тұғын, тек бірсарынды жұмыс жалықтыратын еді. Демалыс күндерінің төлемақысы біршама жоғарылау болғасын, демалысымды аптаның басына жылжытып, сенбі-жексенбі күндері жұмыс істеуге тырыстым.

Үшінші жұмыс орным көгалды безендірумен байланысты еді. Ол жұмысымды демалыс күндерімде істеп жүрдім. Бұл бағдарламаның аты «Work&Travel» болғасын, дүниенің бар ақшасын таба алмаспын деп шештім де, тамыз айында үшінші жұмыс орнымды қойып, басқа жұмыста істейтін уақытымды қысқартып, қаланы аралаумен болдым. Осылайша алып мемлекеттің басым көпшілігінің тұрмыс салтына сай «американдық жұмыскер» болып, жазғы демалысымды осылайша өткіздім.

Тамыз айының соңғы аптасында мен Нью-Йоркке барып келдім. Расында да Нью-Йорк өте әсерлі қала екен! Әр туристтің баратын дәстүрлі орындары: Эмпайр Стейт билдинг, Орталық саябақты, Жаратылыстану мұражайы және Еркіндік мүсінін көріп қайтам деп жоспарлаған едім. Соңғы сәулет орнымен байланысты бір қызық оқиға болған еді: мен маңызды бір құжаттарымды ұмытып кетіп, Мүсінге барар күні Род-Айлендке қайтып баруыма тура келді. Қайтып келген кезде қырсыққандай уақыт тығыз болып, ақыры онда барудың сәті түспеді. Сөйтсе «мүсінді көргендер АҚШ-қа қайтып оралмайды» деп ырымдайды екен. Сол үшін мен қатты уайымға салынғаным жоқ, қайта АҚШ-қа әлі талай рет барып қайтамын деген сөз деп түсіндім. Өйткені бұл баруға тұрарлық жер! Қомақты ақша табатыныңды қоя тұрғанда, сапардан өте көп әсер алуға болады. Осы жаз жүрегіме ұмытылмас әсер қалдырды және Ресей, Сербия, Өзбекстан, Хорватия, Румыния, АҚШ елдерінің өкілдерімен танысуға мүмкіндік берді. Біздер қызықты уақыт өткізіп, арамыздағы достыққа жол аштық. Осы жаздың ең керемет өткізген уақытым екені сөзсіз!

Амирхан Сапабеков
Ержан Тәтішев Қорының 2014 жылғы білімгері
КИМЭП Университетінің 3-курс студенті

Сообщение Менің АҚШ-қа алғашқы сапарым появились сначала на Общественный Фонд "Фонд Ержана Татишева".

Мені қабылдайтын университет Париждан шығысқа қарай 100 км жерде орналасқан Труа қаласында етін. Ректордың өзі біз секілді студенттердің басына кірпіш қалады. Білім алу оңай болған себебі біздің тіл білу дәрежеміз бен мемлекетіміздің берген білім іргетасының жоғары сапасы.
Барлығымыз өте аралас топтарда оқыдық, біздің тобымыз ‘винегрет’ секілді испан, қытай, француз, ливан, украин, орыс, норвеж, фин мен басқа да ұлт өкілдерден тұрғандықтан жұмыс істеу өте қызық болды. Қазақтардан төртеу-ақ адам болғанымен, үстімізге түскен жүкті намыспен көтеріп, ұлтымыздың әлі күнге дейін киіз үйде тұратыны туралы ойларды өшіріп тастадық. Ол жақта оқу керемет өтті деп айту – еш нәрсе айтпау деген сөз. Білім дәрежесі жоғары сапада болғандықтан Қазақстанның бәсекелесі деп санауға болады! Менің байқауым бойынша француздық тәсілдер бізге қарағанда тәжірибе алуға көбірек нысандалады.

Францияға саяxатым ол жаққа жартылған ақшаны ақтады, себебі мен көп нәрсені салыстыра отырып біздің нарыққа, сатып алушыға не қажет екенін біліп, Соса-Соlaның қолдауымен ұйымдастырылған жарыстан әулеметтік жоба бойынша 350 000 тенге ұтып алып мемлекетіме көптеген ойлармен орайдым. Саяxат менің ынтам, Қор мен қамқоршыларымның көиегімен керемет өтті. Барлығынызға бұл мүмкіндік үшін алғысымды айтамын!

Альберт Воронцов
Қордың 2012 жылғы стипендиаты 
Алматы Менеджмент Университетінің 4-курс студенті

Сообщение Эйфел мұнарасы немесе менің Франциядағы білім алуым появились сначала на Общественный Фонд "Фонд Ержана Татишева".

Алайда, ең қиыны бір сөзбен Оңтүстік Кореяда екі аптаның ішінде алынған бүкіл қуаныш сезімдерімді, білім мен әсерімді баяндап жеткізу болып келеді. Орыс тілінде қарапайым, бірақ осы жағдайларға бірден-бір сипат беретін бір сөзге лайығы – «тамаша». Тамаша мемлекет, саяхат, адамдар, бағдарлама, түрлі жағдайлар…

Барлығы «SolBridge» университетінде өткізілетін қыстық мектепке жарыс туралы тамаша хабарландырудан басталды. Осы бағдарлама жиырма шақты адамға арналған етін, алайда МАБ он білімгерлерге ғана шығындарының едәуір бөлшегін өтей алды. Мен тәуекел етіп, жарысқа қажетті бүкіл құжаттарды тапсырдым. Бір аптадан кейін өткенім туралы жауап келді. Сол кездегі бақытымды жеткізе алмадын, себебі ондай саяхат тек қана армандарымда етін. Алдымда виза үшін құжаттар және шабадан жинау, Оңтүстік Корея тарихы мен салттары туралы мақалалар оқу күтіп тұрды.

Делегацияміз 3 желтоқсан күні Тэджон қаласына келді. Біздің тамаша бағдарламамыз «SolBridge» университетінің табалдырығын аттаған уақытымызда басталды. Мені бірден сол оқу жерінің қалпы және ішіндегі ауасы жаулап алды. Ең бірінші бизнес-ценрге келдік деген пікірде болдық, бірақ сосын осы жақтағы білімгерлер футуристтік ғимаратта дәріс алатындары анықталды. Бағдарламаның тілектес менеджерлері бізді керемет қонақжайлықпен жоғары дәрежеде қарсы алған себебінен мен бірден шаршағаным туралы ұмыттым.

Он күннің ішінде біз халықаралық бизнес пен маркетинг тренингтарына және лекцияларына қатыстық. Соңғы дәріс іскерлік этикаға байланысты жүргізілді, ал дәріскер жиырма жылдық тәжірибесі бар Оңтүстік Кореяның елшісі. Дүние жүзінің бүкіл мемлекеттерінде болған және үлкен дәрежелі мемлекеттердің елбасылармен бір дастарханда отырған. Тамаша емес пе?

Сабақтар бойынша өтетін аралық бақылаудан кейін бағдарламаның екінші бөлігі басталды – тарихи және салт-дәстүр кезеңі. Оңтүстік Кореяны әр түрлі ракурстан тани алдық: бес қаланы, ұлыс ауылдарын, мегаполистарын, туристтік центрлерін, үлкен өндіріс кәсіпорындарын және Корея техно саябақтарын араладық. «Hyundai» мекемесі қонақжайлықпен қарсы алып, тек қана көліктердің құрылысын емес, оған қоса теңіз танкерлерін көрсетті.

Корея салт-дәстүрлері бізге өте қызық, әсіресе тағамдары экзотикалық өзгешелігімен ерекшеленеді. Мысалы, бір тағам бірінші қарағанда тәтті болып көрінгенімен шын мәнінде қышқыл-тұзды екен, ал маринадтанған қияр тәп-тәтті болуы мүмін. Меннен біреу Кореяға өзінмен бірге не алу керегін туралы кеңес сұраса, мен көбірек қара мен көк шай алсын деген ақыл берер едім. Бұл біздің суық және жаңбырлы кезде ең сағынған нәрсеміз.

Мен тек қана алған білімім, әсерім мен көбейген өмірлік пікірлерім үшін рахметімді айтпаймын. Ең бастысы бұл мүмкіндікті саяхатта танысқан тамаша адамдар үшін бағалаймын. Ол білімгерлермен бір университетте оқып жүріп бір көріспегенмін, алайда үйімізден мың километр алыста болған кезде таныстық. Әр қайсымызбен көптеген оқиғалар мен ішімізде өзгерістер болды. Барлығымыз үлкен дос болып, Алматыға келгеннен кейін арамызды үзбейміз.

Құдіретті орыс тілінде сансыз сөз, метафоралар, эпитеттер бар, бірақ ең маңыздысы бүкіл сезімдер, әсерлер мен біліміңді ыңғайлы бір түрде жеткізу үшін келісімді сөздер табу. Оған қоса өмірде көптеген жағдайлар, қалалар, адамдар бар, дегенмен маңыздысы адамға әсер бере алатындай керекті кезеңдерді таңдап барлығын бірге жазу.

  

Сообщение Таңғажайып білім алу мақсатында ұйымдастырылған саяхатымды сипаттайтын сөз шын мәнінде өте көп появились сначала на Общественный Фонд "Фонд Ержана Татишева".

Сол күні жауып тұрған жаңбырға қарамай, ойынға айналып, ұзақ жүрдік. Бір кезде бір ер адам жанымыздан өтіп бара жатып, малдың жолына көз салуды сұрады. Маңайдағы трансформатордың үстіне шыққан сәтімде мені тоқ ұрып, он метрдей жерге ұшырып түсірді. Топырақтың тоқты сіңіре алатын қасиетін есіне түсірген ағам ес-түссіз жатқан мені кеудеме дейін жерге көміп қойыпты. Сонда екі қолым көмілмей қалыпты, көмілсе, мүмкін аман қалар ма еді деп ойлаймын кейде. Мені туыстарым облыстық емханаға апарып жатқызды, бірақ онда жасалған емнің еш көмегі тимеді. Мені Қызылордадағы емханаға жеткізген анам: «ертерек келгендеріңізде, қолын аман алып қалуға болатын еді, уақытын өткізіп алдыңыздар» дегенді естіді. Екі аурухананың ортасында жүргенде екі рет есімді жиғаным есімде: бірінші рет аудандық ауруханада көзімді ашып, күйіп қалған қолдарымды көрдім. Оң қолыммен аурухананың темір төсегін ұрып көрмек болдым, ал сол қолымды мүлде қимылдата алмадым; Қызылордаға бара жатқанда жолда тағы да бір рет көзімді ашыппын. Одан кейін екі жыл бойы комада жаттым. Осы уақыт ішінде менен үмітін үзбей, анам күтіп бақты.

Комада болған кезімде бір түс көрдім, онда айнала аппақ кеңістік екен, мен тастың үстінде отырмын, қасымда аппақ киім киген ақсақал тұр, екеуіміз сөйлесіп отырмыз. Айтылған әңгімеден есімде қалғаны – «сен әлі жассың, берілме, сенің болашағың алда, әлі де отбасыңның мақтанышы боласың» деп маған күш-жігер беріп жатыр екен. Сол түстен кейін менің өмірім түбегейлі өзгерді: өз-өзіме келіп, ел қатарына қосылдым, кейіннен отбасыммен Алматыға көшіп, №2 коррекциялық интернатқа түстім. Оқу мен спортты, мәселен, жүзуді ұштастырдым. Қажырлы еңбектің арқасында Қазақстанның құрама командасына қосылдым. Жүзуден үш дүркін Қазақстан чемпионы атанып, 2009 жылы Токиода өткен Параолимпиадалық ойындарда 2-орынға, 2013 жылы Иорданияда өткен чемпионатта 3-орынға ие болдым. Сол жылы Малайзияда өткен Азия Параолимпиадалық Ойындарында бақ сынап, үстел теннисінен 3-орын алдым. Жүзумен байланысты денсаулығымда ақау пайда болды – жарыс пен оның алдыңғы жаттығулар кезінде арнайы көзілдірік киген ыңғайсыздық тудырғандықтан, көзіме сумен бірге оның құрамындағы хлордың салдарынан көру қабілетім төмендеп кетті. Оған қоса жүрек және қантамырда ақау пайда болған соң, жүзуден бас тартып, үстел теннисімен айналысуды жөн көрдім.

2006-2010 жылдар арасында жүзумен, 2007 жылдан бастап тенниспен айналысып келемін. Мектепте жүргенде тенниске қызығушылық таныта бастадым – сыныптастарым сабақтан жиі сұранып, ойынға кететіндерін көріп, қызыға бастадым. Кішірек кезімде құрбылармен қосылып ракеткамен шарды ұрып, ұпай жинап ойнайтынбыз. Сол себепті ракетка маған таныс еді. Құрамаға қосылғанда бір айдай қиналдым. Сонда да қойған мақсатқа ұмтылып, алған жолдан таймауға бел буып жаттықтым. Екі ай өткен соң Қарағандыда өткен республика деңгейіндегі чемпионатқа қатыстым. Бұл менің өмірімдегі ең сорақы кезең еді, қатысқан 14 спортшының ішінде мен 14-орында тұрдым. Намысқа тырысып, бір жыл жатпай дайындалдым. Ақыры бір жылдық еңбегімнің жемісін көрдім – Павлодар мен Шымкентте өткен Республикалық чемпионаттарында бірінші орын алдым. Параолимпиадалық құрама командасына еніп, Иордания мен Малайзияға барып келдім. Одан кейін Лондонға халықаралық турнирге баруым керек еді, бірақ виза рәсімдеу мәселесі қиындықтар туғызып, бара алмадым.

Соңғы жолсапарым Кореяның Инчон қаласында болды. Кореядан қалған әсерден ең жағымдысы корей халқының бауырмалдығы мен ашықтығы. Инчон қаласы – Сеулден жарты сағаттық жерде орналасқан, табиғаты таза, өрбу үстінде тұрған жаңадан дамып келе жатқан қала. Корей спортшыларымен тілдескен кезіміз – ең күлкілі сәттеріміз еді: біріміздің сөзімізді біріміз ұқпай, әбден күлдік. Сапар барысында бізге Қазақстанда оқыған студенттер, орыс тілінде ойларын айтып жеткізе алатын еріктілер жағдай жасап, көмек берді.

Мен алдыма қойып отырған мақсатым – туған ауылға оралып, ауылдың дарынды жастарына жаттықтырушы боламын деп.мақсат қойып отырмын. Әрине, бұның бәрі армандар мен жоспарлар, өмір өзі көрсете жатар. Спорттан басқа өнерге де құлшынысым бар: интернатта біраз уақыт вокалмен айналыстым. Жеке концертімді өткізу – бұрыннан келе жатқан арманым еді. Протезді жергілікті кәсіпкер қаржыландырды, алдын ала Алматыдан 500 билет дайындап алғанмын, ал концертті ұйымдастыруға ең алдымен анам, достарым, туыстарым, таныстарым қол жұмылдырды. Ауырып қиналғанымда, шырылдап, үмітін үзбей, аяғыма тұрғызып, мейірімін аямаған анама қарыздармын, сол үшін концерттен түскен 100 000 теңгенің жартысынан көбін анама бердім. Сөйтіп бірінші концертім туған ауылымда өтті.

Мен өмірімде бірінші кезекте анам мен отбасымды қоямын, сыныптастарым мен достарымның да орны бөлек. Үйдің үлкені болғандықтан, әрқашанда отбасыма деген жауапкершілікті сезінемін. Осыдан бес жыл бұрын әкем басқа отбасына кетіп қалды. Шынымды айтсам, менің әкеме деген еш өкпе-ренішім жоқ. Ол менің жадымда бала кезімдегі мейірімді әке, қайырымды жан болып қала береді. Қордың грантын жеңіп, колледжге түскеннен кейін өмірімде көптеген өзгерістер болды: сенім артатын көптеген достар таптым, қызым бар. Айналамдағы адамдар мені кемтар деп қарамайды, кемсіту немесе аяушылық көрсетпейді. Олар мені жеке тұлға ретінде қабылдайды, өз теңіндей көреді, себебі мен өзімді ешқашан кемтар санап көрген емеспін. Жуық арада біз құрама командамызбен Бразилияға сапар шекпекпіз. Өмірдің қиын сәттерінде мені өз жетістіктерім қанаттандырады, ал нашар көңіл-күйден шығармашылық құтқарады. Өлең жазу арқылы жаман ойлардан арыламын. Бауырым рэп оқиды, екеуіміздің шығармашылығымызды тоғыстырып, сингл шығарып, музыкаға деген қабілетімді дамытсам деген арман бар.

Иманжүзді дидарыңа қарап ем,
Жанарыңда жайнап тұрды бар әлем.
Болсам егер Леонардо да Винчи, 
Сенің ғана суретіңді салар ем!

Арманымдай әдемі едің не деген,
Көкке ұшырып көңілімді демеген.
Болсам егер Галилео Галилей , 
Бір жұлдызға есіміңді берер ем!

Мұңлы нәзік музыканың тілімен,
Скрипка мен фортепиано үнімен ,
Болсам егер Бетховендей виртуоз, 
Ай астында тербетер ем түнімен!

Европада бір жаңалық ашар ем, 
Неше түрлі шедеврлер жасар ем.
Мен егерде болсам Микеланджело,
Ақ мрамордан мүсініңді қашар ем!

Бәйге тігіп бар ақшамды шашар ем, 
Суретшілер көрмесін де жасар ем.
Болсам егер көпес Павел Третьяков, 
Саған арнап галлерея ашар ем!

Мұнарасын сары алтынмен жабар ем, 
Іргетасын өз қолыммен қалар ем! 
Болсам егер император Жахан Шах, 
Тәж-Махалды саған арнап салар ем!

Жер жүзінің шеберлерін алдыртып, 
Ортағасыр сән-сәулетін жаңғыртып, 
Болсам егер Зұлқарнайын Ескендір, 
Сыйлар едім сұлу шахар салдыртып.

Домбыраммен, дауысыммен, жаныммен, 
Жан-сырымның жеткізер ем бәрін мен. 
Болсам егер әнші Ақан серідей, 
Ғашық қылып қояр едім әніммен!

Мен осылай кетем кейде қиялдап, 
Армандаймын өзімді-өзім жиі алдап. 
Болсам егер Құрманғазы күйшідей,
Шығарар ем саған қырық күй арнап!

Мен АҚШ-тың президенті болғанда, 
Америка айтқанымды қолдарма? 
Болсам егер Джорж Вашингтон орнында, 
Суретіңді салдыртар ем долларға.

Жүрген жоқпын Присцилла Чан қасында, 
Присцилладан сен артықсың қашанда! 
Мен егерде болсам Марк Цукерберг, 
Фейсбуктің сен тұрар едің басында.

Жүрер едің жерге тимей табаның, 
Күнде дайын – киімің мен тамағың. 
Болсам егер Джон Дэвисон Рокфеллер, 
Сыйлар едім Сент – Бартс аралын…

Жүзі мұңға толған пенде өзім ем.
Сен дегенде арнар едім жүз гүлін.
Мен Азамат болмағанмын романтик
Болсам егер сен деп жаным өтер ем…

Сообщение Анама мәңгі қарыздармын… появились сначала на Общественный Фонд "Фонд Ержана Татишева".

Көзді ашып жұмғанша бір жыл да өте шықты, ал мен болсам, былтыр жазған шимай-шатпағымды оқып, өзімді-өзім мақтай алмадым, себебі мен бұл кезде арманымдағы сапарға аттанып, Францияда болдым.

Кішігірім әңгімеме осы «c’est magnifique», тамаша елде өткізген бірнеше ай ішінде алған әсерімді сыйқызуға тырысып көрейін. Шыны керек, менің сапарым ұшаққа отырудан емес, одан әлдеқайда бұрын басталды. Сапарға қажетті бума-бума қағаздар мен бюрократиялық келеңсіздіктер жайында айтпағанда, «GOOGLE» әлемін шарлап, шетелде оқудың мән-жайын біліп, іштей дайындалдым. Шетелге аттанғалы отырған жастардың сол мемлекет жайындағы ақпаратты барынша мұқият зерттеулері абзал дер едім, сақтықта қорлық жоқ демекші, бұл барған кезде небір келеңсіз жағдайлардан аман қалуға көмектеседі.

Ақшақар бұлттардың үстінен алғаш рет ұшқанымнан алған әсерімді сөзбен айтып жеткізу қиын, ал кейіннен жерге қонғанда Еуропаның сәулет өнерінің туындылары мен жаңа көрген-білгенімнің барлығы үлкен әсер қалдырды. Бәлкім, біреулер бұны балалық деп санар, ал мен үшін бұның бәрі жаңалық болғандықтан, таңырқаудан шаршамадым. «Tres belle», алғашқы эстетикалық әсерлерімді қоя тұрып, алты қырдың аржағынан шыққан себебімді түсіндіріп өтейін. Тұрғын үй мәселесін қызу талқылап болғаннан кейін, Қор стипендиаты әрі менің досым, Нұрлыбек Мұсатаевпен қосылып бір бөлмеге жайғасып, француз білім беру жүйесінің табалдырығын бірге аттадық. Сексен елден келген сегіз жүз студентті сыйғызатын амфитеатрға кірген кезде сөйлеген сөздері де, сыртқы тұрпаты да сан түрлі нәсіл мен ұлт өкілдерімен жүздескен сәт таң қалдырмай қоймайды. Сол алған алғашқы әсерім IESEG School of Management өзінің бағдарламалары арқылы түрлі ел өкілдерінің бастарын қосуға не үшін талпынатыны түсінікті бола бастады. Сол сәтте сол адамдар мен олардың мәдениеті жайында біліміңнің қаншалықты таяз екенін түсінесің. Оқудың ең бірінші күні бейімделу апталығының алғашқы лекциясынан барынша мол мағлұмат алуды көздеген қазақ диаспорасы үлгілі шәкірт сыңды алдыңғы қатарға жайғасты. Осы ұзақ мерзімді сапардың қалай өтетіні жайында бүге-шігесіне дейін түсіндірген уақыт әлі есімде. Маған жалпы бағдарламаның әр студент қажеттіліктерін ескеріп, көңілінен шығатындай жағдай жасалғандығы ұнады. Сапар барысында тек оқу ғана емес, жай кездесіп, көңіл көтеруге, тіпті еден үстінде тамақтанып отырып әңгімелесуге де уақыт табылды. Бұл өз алдына Франциядағы болған уақытымызды қызықты өткізуге мүмкіндік берді. Болашақта алмасу бағдарламасы бойынша шетелге баруға мүмкіндік болып жатса, таңдауыңыз жалығудың не екенін ұмыттыратын Лилль және IESEG-ке түссін деп тілеймін.

Пәндерді таңдау мен әлеуметтік шараларға қатысудың маңыздылығы ерекше. Өзімізге қажетті пәндерді таңдауда толық еркіндік берілді. Студенттік өмірге ат салысам деушілер үшін қалаған іс-шаралармен айналысуға шектеу қойылған жоқ-ты. Немен айналысамын десеңіз де, өз еркіңіз – мен сияқты пікірталасқа қатынасуға, театр қойылымдарында көзге көрінуге немесе қаржылық талдауды егжей-тегжейлі зерттеуге күш салуға болады, ең бастысы кредиттер саны екі жаққа да қанағаттандырарлықтай болып, оқу аяғында транскрипттегі пәндеріңіздің орны бос қалмаса болғаны. Өз басым сатылым әдістері, адам ресурстарын дамыту, шешендік өнер және шет тілдері сияқты пәндерге таңдау жасадым. Біреулер маған француз тілімнің шорқақтығына қарамастан, поштада немесе әлеуметтік жобада ерікті болып қатысқанымды қалаған болса, мен екі қызметті бірдей алып жүре алмаймын дер едім, себебі timetable, яғни, сабақ кестесі таңертеңнен кешке дейін шынжырлап тастағандай, сабақ пен study hard-тан басқа еш нәрсемен айналысуға мүмкіндік бермейді.

IESEG-те қолданылатын оқыту жүйесі біздің КИМЭП-ке ұқсас – сабақ кестесі Сізге немесе тобыңызға ыңғайланып жасалмайды, керісінше, кейде таңғы 8-де, кейде сағат 14-тен бастап оқисыз. Оқытушылардың жоғары біліктілігіне еш таңым болған жоқ, бұл Францияның бизнес саласында білім берудегі алтыншы орында тұрған көшбасшы университеттерге тән сипат деп ойлаймын. Біздің отандық оқыту жүйесімен салыстыра келе, көп айырмашылық табуға болады, мысалы күнделікті дәстүрлі үй тапсырмалардың орнына түрлі жобаларды дайындау талап етілді. Бұның бір жағынан қиындығын да, артықшылықтарын да байқадық.

Осы өткен жарты жыл ішінде мен көптеген адамдармен танысып, әлемге басқа көзбен қарай бастадым. Жер шарының түкпір-түкпірінен келген адамдармен достасып, олардың тұрмыс-салты, әдет-ғұрпымен танысуға тырыстым. Өзіңнің өмір сүріп жатқан ғаламыңнан асып, одан тыс жерде тұратын адамдардың түсінігі сенің түсінігіңнен басқаша екенін қабылдау қиын, алайда әр елдің салты, әр адамның тәрбие алған ортасы өзгеше болады. Бұндай айырмашылықтардың бар екеніне өз басың көз жеткізген кезде, екі есе таңырқайсың. Мысалы, жапон халқы көшелерді үйлердің арасындағы бағыт-бағдар беретін бос кеңістік деп түсінеді.

Ерекше атап өтуге тұрарлық тағы бір жәйт – өзім жүздескен студенттер мен оқытушылардың басым көпшілігі Қазақстан жайында хабардар еді, ал олардың еліміз жайында Бораттың кесірінен қалыптасқан жалған түсініктің шындыққа қайшы екенін түсінетіндері қуантты. Отаннан алыстаған сайын өз болмысыңа жақындай түсетінің рас, шеттеген сайын туған жерге сағынышың арта түседі деген нақыл сөздің шынайылығына көз жеткізесін. Еуропада оқып, қызмет жасап жүргендер үлкен мүмкіндіктерге жол ашады, алайда оны біле тұра, елге оралып, ноутбукті алдыма алып отырған мен «Отан оттан да ыстық» деген мақалдың терең мағынасын сезініп отырғандаймын.

Осы сапардың менің бір адым алға жылжуыма, бір сатыға көтеріліп, ақыл мен тәжірибе жинауыма көмектескеніне күмәнім жоқ. Менің дамуыма азды-көпті үлес қосқан жандарға, Қорыма рахмет айтқым келеді. Небір келеңсіздіктер мен кедергілерге қарамастан, маған сенім артып, әрдайым көмегін аянбайған туыстарыма басымды иемін. Арманымды іске асырып, шетелге аттануға қаржылық көмек көрсеткен университетіме де айтар алғысым шексіз.

Мұхтар Лекеров
Қордың 2012 жылғы стипендиаты
Алматы Менеджмент Университетінің 3-курс студенті

Сообщение «С’est magnifique»-тен алған әсерім появились сначала на Общественный Фонд "Фонд Ержана Татишева".

2014 жылдың қыркүйек айында менің алмасу бағдарламасы бойынша Францияда бір семестрді өткізуге сәтім түсті. Францияның ең үздік бизнес мектептердің бірі – Лиль қаласындағы IESEG School of Management-те дәріс алдым. Менің жалғыз, үйден жырақ, алысқа және ұзақ мерзімге кетуім бірінші рет еді. Алғашқы кездері ата-анам мені төрт ай бойы көре алмайтындарын ұғыну қиынға түсті, ал мені бірнеше ай бойы өз-өзіме қамқор боламын деген ой қинады. Шынымды айтсам мен қатты қиналдым деп айта алмаймын, өйткені сапар барысында жанымда болған он шақты отандастарымның бірі – Қордың 2012-жылғы стипендиаты, Мұхтар Лекеров болды.

Бірінші кезекте Франция мені өзінің білім беру жүйесі мен оқыту әдіс-тәсілдерімен таң қалдырды. Менің түсінгенім – француздар практиктер екен. үшін Әрбір пән бойынша сабақтарымыз түрлі компанияларға жолығып, сараптама мен есеп жазуды талап ететін тәжірибелік жобамен жалғасты. Мұндай жорықтар мен келіссөздер лекцияда өтілген материалды игеруге көмектесті. Францияда оқытушылар топтық жұмыстарға көп көңіл бөледі, сондықтан да мен Франция, Қытай, Индия, Италия елдерінің өкілдерімен топта бірлесіп жұмыс жасауда біраз тәжірибе жинақтадым. Семестрдің соңындағы баға негізінен соңғы емтихан, ортамерзімдік қорытындылары және сабаққа қатысу белсенділігіне байланысты. Студенттің сабаққа қатынасу көрсеткіштеріне Қазақстандағыдай ешкім аса көп мән бермейді. Презентацияны әзірлеп көрсетуде көп нәрсе үйрендім: аздап мәтін, статистикалық көрсеткіштер мен ауызша түсіндіру басым болды. Одан басқа түрлі мәдениет өкілдерін танып білуге, ортақ тіл табуға көмектесетін, бұрыңғыға қарағанда ой-өрісті анағұрлым кеңейтуге мүмкіндік беретін және ертеңгі күні бизнесті халықаралық деңгейде дамытуда қолдануға болатын түрлі пәндер бойынша дәріс алдым.

Францияда еріктілік жұмысы жақсы үйлестірілген, біз Мұхтар екеуміз елден қалыспай, іс-шараларға қатынасуға барынша тырыстық. Менің айта кеткім келетіні үлкен іс-шараларда ең бірінші Қазақстан туралы айтып өтуге тырыстық. Осылайша біз университеттегі International Gala Night 2014 салтанатына қатынасып, жиналған қауымға Қазақстанды паш еттік. Сонымен қатар мектеп оқушыларына өз отандарының салт-дәстүрі жайында әңгімелеп, ағылшын тілін меңгеруге жәрдемдескен еріктілер қатарына қосылып, әлеуметтік жобаға ат салыстық.

Қорытындылай келе, Қорға болашақта қосылатын жастар мен 2014 жыл стипендиаттарына айтарым – қолдарыңа алмасу бағдарламасы бойынша оқуға мүмкіндік түсіп жатса, жіберіп алмаңыздар. Бұл сапар менің өмірлік ұстанымдарымды өзгертіп, ой-өрісімді кеңейтуге мүмкіндік берді. Осы мүмкіндікті берген Ержан Тәтішев Қоры мен Алматы Менеджмент Университетіне айтар алғысым шексіз.

Нұрлыбек Мұсатаев
Ержан Тәтішев Қорының 2013 жылғы стипендиаты
Алматы Менеджмент Университетінің 2-курс студенті

Сообщение Бұл сапар менің өмірге деген көзқарасымды өзгертті появились сначала на Общественный Фонд "Фонд Ержана Татишева".