Ержан Тәтішев Қоры табыс коммерциялық емес қайырымдылық мекемесі болып табылады. Қор стратегиялық мақсатын және бағдарын айқындайтын Қамқоршы Кеңесімен басқарылады. Қамқоршы Кеңестің құрамында Қазақстанда және шетелде аты мәлім ғалымдар, ірі бизнес пен мемлекеттік мекемелер өкілдері, музыканттар мен қоғам қайраткерлері бар. Қамқоршы Кеңесінің төрайымы – Тәтішев Еркін Нұрелдайымұлы.

Қор 2005 жылдан бастап қайырымдылық саласында қызмет атқарып келеді. 2006 жылдың аяғында Қордың Қамқоршы Кеңесі жаңа стратегиялық концепция мен қысқа мерзімді даму жоспарын бекітті, ал оны іске асыру үшін әлеуметтік бағдарламаларды іске қосуда, тренинг өткізуде, кеңес беріп, мониторинг пен баға беруде халықаралық тәжірибесі бар кәсіби мамандар Қор командасына қосылды. 

Ержан Тәтішев Қоры 2005 жылдың 5 ақпанында Тәтішевтер отбасының және БТА Банкісінің топ-менеджментінің ниетімен құрылып, жұмыс істей бастады. Қор – табыс алуды көздемейтін, коммерциялық емес қоғамдық ұйым. Қордың басшылығы Қазақстан Республикасының заңына сәйкес стратегиясы мен алдағы мақсаттарын белгілеп отырған Қамқоршы Кеңесімен басқарылады.