1943 жылдың 1-ші қаңтарында Жамбыл облысы Меркі ауылында дүниеге келген. М.В.Ломоносов атындағы Мәскеу мемлекеттік университетінің Шығыс тілдері институтын бітірген. Филология ғылымдарының кандидаты. 2007 жылдан бастап «Мұхтар Әуезов Қоры» Қоғамдық Қорының Президенті. Бұдан бұрын ҚР Ұлттық кітапханасының директоры, «Сорос—Қазақстан» қорының президенті, «Қазақфильм» киностудиясының бас редакторы болды, Қазақстан Жазушылар одағының көркем аудармалар және әдеби байланыстар жөніндегі коллегиясын басқарды, Қазақ КСР Ғылым академиясының Философия және құқық институтының ғылыми қызметкері болды. 1990 жылы Әуезов ҚазССР-і Жоғарғы кеңесінің халықтық депутатына сайланып, онда Парламентаралық байланыстар жөніндегі комитетті басқарды. 1992 жылы желтоқсанда тәуелсіз Қазақстанның бірінші елшілерінің қатарында Қазақстан Республикасының Қытай Халық Республикасындағы Елшісі болып сайланды, Қазақстан Республикасының Төтенше және өкілетті елшісі деген дипломатиялық ранг иесі. М.М.Әуезов «Мәдени мұра» Мемлекеттік бағдарламасының Қоғамдық кеңесінің құрамына енеді, осы бағдарламаның «Мәдениеттану» секциясының төрағасы, шығармашылық Жазушылар мен кинематографистер одақтарының мүшесі, Қазақстанның Пен-клубының мүшесі болып табылады. 2003—2004жж. «Қазақстан» мемлекеттік телеарнасындағы «Времен связующая нить» бағдарламалар циклінің авторы әрі жүргізушісі болды, екі монография, «Уйти, чтобы вернуться» эссесін басып шығарды. Қазақстанның дамуындағы айрықша еңбегі үшін М.М.Әуезовке «Қазақстанның еңбек сіңірген қайраткер» атағы беріледі. «Невада-Семей» халықаралық ядролық қозғалысының белсенді мүшесі, Семей ядролық полигонның жабылғанына 15 жыл толуына орай «Құрмет» орденімен марапатталды. 2011 жылы Қазақстан Республикасы Президентінің Жарлығымен Қазақстан Республикасының рухани және интеллектуалды әлеуетінің дамуы мен артуына үлкен қосқаны үшін Мұрат Әуезов «Парасат» орденімен марапатталды.