10.02.2023

Ержан Тәтішев қоры «Кәсібіңді таңда!» 2023 бағдарламасы аясында білім гранттарын тағайындау байқауын өткізіп жатыр. Бағдарламаның негізгі мақсаты – мүмкіндігі шектеулі жастардың орта техникалық білім алуға қолжетімділігін қамтамасыз ету үшін қолдау көрсету.

Қор гранттары үміткерлердің оқудағы жетістіктері мен жеке қабілеттерін бағалау нәтижесінде тағайындалады. Байқауға:

• ҚР азаматтығы бар
• Мүгедектігі бар
• Орта білімі бар
• Байқауға қатысу кезінде 29 жастан аспаған
• Әлеуметтік жағдайы төмен
деген талаптарға сай келетін жастар қатынаса алады.

Гранттар келесі шығындарды өтейді:

• Ұнатқан мамандығы бойынша Қазақстанның кез-келген колледжінде оқу
• Ай сайынғы стипендия
• Оқу мерзімін толықтай өтейтін грант

Өтінімді қазақ немесе орыс тілінде толтыруға болады және info@ytf.kz электрондық поштасына қабылд
анады. Хат тақырыбында үміткердің толық аты-жөні, «Кәсібіңді таңда!» 2023 деп жазу қажет. Егер үміткердің электрондық поштасы жоқ болып, я болмаса техникалық себептермен байланысты электрондық өтінімді жібере алмаса, онда 050026, Алматы қаласы, Байзақов көшесі, 125, 307 кеңсе мекен-жайында орналасқан Қор кеңсесіне хатпен жібере алады.

Бағдарлама жайлы толық ақпарат мында https://ytf.kz/wp-content/uploads/2023/02/K-sibi-di-ta-da-Bilim-granttary-ba-darlamasy.doc.

Байқау 2023 жылдың 10 ақпанында басталады, өтінімдер 30 сәуірге дейін қабылданады.