19.06.2023

Ержан Тәтішев Қорының кеңсесінде «Кәсібіңді таңда!» бағдарламасы 2023 жыл байқауының екінші айналымы, сұхбат өтті. Сұхбатқа Алматы, Алматы облысы, Қызылорда және Павлодар қалаларының тумалары қатынасты. Олардың 50% – ұл, қалған жартысы – қыз бала, 40% тірек-қимылдан шектеуі бар балаларға арналған №2 мектеп-интернатын, 20% сөйлеуден шектеулі балаларға арналған №9 мектеп-интернатын, 20% көру қабілеті нашар балаларға арналған Алматыдағы Островский атындағы №4 және Қызылордадағы №5 мектеп-интернатын, қалған 20% жәй мектепті бітірген.

Байқау комиссиясы бірінші айналымға тапсырылған өтінімдерді сараптап, олардың арасынан оқу үлгерімі жақсы, әлеуметтік өмірде белсенділік танытып, қатар алды болған балалармен жүзбе-жүз кездесіп, олардың қандай арман-мақсаттары бар, ойларын не мазалайды және қай сала маманы болғылары келетіні жайында толығырақ білді. Байқаудың осы кезеңінен сүрінбей өткен үміткерлер ендігі соңғы кезеңіне отбасының әлеуметтік хал-жайдайын бағалаумен байланысты мәлімет жинастыруда.

Байқаудың мәресіне нағыз арғымақтар жетеді деген ниеттеміз, ал оған жетпегендерге мойымаңдар, сәттілік әлі де алда дейміз!